АҚШ президенті Дональд Трамп бюджеттік дағдарысқа байланысты Давоста өтетін Дүниежүзілік экономикалық форумға (ДЭФ) америкалық делегацияны жібермеді. Бұл туралы Ақ үйдің баспасөз хатшысы Сара Сондерс таратқан хабарламада айтылған.
«800 мың америкалық қызметкердің жалақасын ала алмай отырғанына байланысты, сондай-ақ командасының жұмысын тиісті дәрежеде қамтамасыз ету мақсатында Трамп өз делегациясын Швейцарияның Давос қаласында өтетін Дүниежүзілік экономикалық форумға (ДЭФ) жібермейді», - деді ол.
Басында ДЭФ-қа АҚШ делегациясын Трамп өзі бастап баратындай болған. Бірақ 10 қаңтарда ол Twitter-де бұл сапарды Ақ үй мен АҚШ Конгресінің америка-мексикалық шекарадағы бақылауды күшейту туралы таласынан кейін болдырмайтынын жазған.
Кейін америкалық әкімшіліктің екі өкілі делегацияны қаржы министрі Стивен Мнучин және АҚШ мемлекеттік хатшысы Майкл Помпео бастап баратынын хабарлады.
Өткен жылдың 22 желтоқсанынан бері АҚШ-та бюджетте қаражаттың болмауына байланысты федералды үкіметтің жұмысы ішінара тоқтатылған. Бұл - республикалықтар мен демократтардың Конгресте бюджет параметрлерін келісе алмауынан бастау алған дау. Трамп пен оның партиялас жақтастары Мексика мен шекарада қамал тұрғызуға ақша бөлуді бюджеттің шығындарына қосқысы келеді.
Демократтар федералды қазынадан бұл мақсатқа ақша бөлуді ешқашан қолдамайтынын хабарлап отыр. Трамптың әкімшілігі бұл мақсатқа бюджеттен 5,7 млдр долларды талап еткен-тін.
1301 рет оқылды
