08 мау, 2021 сағат 17:20

Томирис Байсафаның анасы енді не істейтінін айтты

Мәскеуде қайтыс болған қазақстанық студент Томирис Байсафаның анасы Муртузали Меджидовты адам өлтірді деп тағылған айыптан ақтау үкіміне қатысты пікірін айтты, - деп хабарлайды "Ұлт ақпарат".

"Бүгін үкім шықты. Сот аяқталды. Мен істі апелляцияға беремін. Әрі қарай күресемін", - деді Жанна Ахметова тілшіге берген сұхбатында.

Бір күн бұрын айыпталушыны алқабилер қыздың өліміне кінәсі дәлелденбеді деп ақтап шығарған болатын. Кейін Мәскеу соты Муртузали Меджидовты Томирис Байсафаны өлтірді деп тағылған айыптан ақтағаны белгілі болды.

Еске салайық, 2018 жылдың 13 сәуірінде ММХҚИ Халықаралық экономикалық қатынастар кафедрасының төртінші курс студенті Томирис Байсафа жұмбақ жағдайда ЖОО-ның төртінші қабатының терезесінен құлап кеткен. Ауыр жарақат алып, көп қан жоғалтқан. Сол жылдың 3 мамырында Томирис Склифосовский ғылыми-зерттеу институтында қайтыс болды.

Томирис Байсафаны өлтірді деген күдікпен Дағыстанның бұрынғы премьер-министрінің ұлы Муртузали Меджидов ұсталған еді.