Фото: Ақорда
Ақордада Өзбекстан Республикасының президенті Шавкат Мерзиёевты қарсы алу шарасы өтті, деп хабарлайды "Ұлт ақпарат".
Мемлекет басшысы Қасым-Жомарт Тоқаев мемлекеттік сапармен келген Өзбекстан Республикасының президенті Шавкат Мерзиёевты Ақордада қарсы алды.
Содан кейін екі ел басшылары ресми делегациялардың құрамын таныстырды.
Салтанатты рәсімдер залында құрмет қарауылы сап түзеп, оның бастығы мемлекет басшыларына сәлемдік баянат берді.
Кейін Президенттік оркестр екі елдің мемлекеттік гимнін орындады. Одан кейін президенттер отырыс залына қарай бағыт алды.
Мемлекеттік сапар аясында бірнеше маңызды құжатқа қол қою жоспарланған.
Айта кетейік, кеше Қасым-Жомарт Тоқаев Қазақстанға мемлекеттік сапармен келген Өзбекстан президенті Шавкат Мирзиёевті елорда әуежайында қарсы алды. Мирзиёев 9 тамыз күні Астанада өтетін «Орталық Азия+Жапония» Диалогының бірінші саммитіне қатысады.
704 рет оқылды
