Сербиялық маман Милан Миланович қостанайлық «Тобыл» командасының бас бапкері қызметіне тағайындалды, деп хабарлайды ҚазАқпарат.
Милан Миланович 1963 жылы 10 қаңтарда дүниеге келген. Футболшылық мансабында Сербияның «Чукарички», Германияның «Аугсбург» клубтарында доп тепкен.
Ол бапкерлік мансабын 90-шы жылдардың ортасында бастады, Алдымен Фарер аралдарының «ВБ Вагур» және «Тверойри» командаларын жаттықтырды. Ал 2009 жылы Босния және Герцеговинаның «Лакташи» клубын басқарса, 2012 жылы «Шерифте» бас бапкердің көмекшісі болып жұмыс істеді.
2012 жылдан бері «Хайдук» (Хорватия) және Сербияның «Нови-Пазар», ОФК, «Раднички» және «Рада» сияқты серб командаларында жұмыс істеді.
2019 жылы қазақстандық «Ертіс» командасында бас бапкер болды.
2021 жылы Арменияның «Алашкерт» командасымен келісім-шарт жасасты.
Милан Милановичтің қостанайлық «Тобыл» командасымен келісім-шарт мерзімі осы жылдың соңына дейін жасалған.
1215 рет оқылды
