Америка Құрама Штаттарының Қазақстан Республикасындағы Елшісі Уильям Мозер қазақстандықтарды Тәуелсіздік күнімен құттықтады, деп хабарлайды "Ұлт ақпарат" елшіліктің Instagram-парақшасына сілтеме жасап.
«Құрметті қазақстандықтар! Мен президент Трамп пен Мемлекеттік хатшы Помпеоға қосыла отырып, Сіздерді аса маңызды ұлттық мереке – Тәуелсіздік күнімен шын жүректен құттықтаймын! Мереке құтты болсын», - деді Уильям Мозер.
Кейіннен елші «МузАрт» тобының «Өз елім» әнінің сөздерінен үзінді оқып берді.
«Түлегі сендер, тілегі сендер, тірегі сендер сол елдің. Назары сендер, базары сендер, ажары сендер бұл елдің», - деп АҚШ елшісі әннің сөздерін келтірді.
1856 рет оқылды
