05 ақп, 2021 сағат 14:22

«Тіл – мемлекет тәуелсіздігінің нышаны» XV республикалық олимпиадасы мәреге жетті

«Тіл – мемлекет тәуелсіздігінің нышаны» XV республикалық олимпиадасының жеңімпаздары анықталды, деп хабарлайды ҚР Білім және ғылым министрлігінің баспасөз қызметі.

2021 жылдың 18-28 қаңтар аралығында қазақ тілінен өзге ұлт өкілдері болып табылатын 5-10 сынып оқушылары арасында «Тіл – мемлекет тәуелсіздігінің нышаны» атты XV республикалық олимпиадасы өтті.

Қашықтан өткен олимпиаданың алғашқы кезеңіне 9 579 оқушы қатысып, олардың 145-і қорытынды кезеңге жолдама алды. 

Олимпиада қорытындысы бойынша 53 қатысушы жүлдегер атанды. 

І дәрежелі дипломдармен – 9 оқушы, ІІ дәрежелі дипломдармен – 16 оқушы, ІІІ дәрежелі дипломдармен – 28 оқушы марапатталады. 

Олимпиада жүлдегерлерін, олардың ата-аналары мен мұғалімдерді жеңістерімен құттықтаймыз!