Фото: Pexels.com
Қарашаның соңында теңгенің айырбас бағамы күрт әлсіреп, бір АҚШ доллары 518-519 теңге шамасында саудалануда. Бұл көрсеткіш кешегі күнмен салыстырғанда 2,4%-ға төмендеді, ал 28 қарашадағы орташа бағам 512,58 теңгені құрады, деп хабарлайды Ult.kz.
Ұлттық банк мәлімдегендей, валюта бағамының құлдырауына бірнеше сыртқы және ішкі факторлар әсер етуде. АҚШ долларының жаһандық нығаюы, геосаяси жағдайдың шиеленісуі және шикізат бағасының құбылуы – негізгі себептердің бірі. DXY индексі қараша айының басынан бері 2,2%-ға өсіп, 106,2 пунктке жетті, бұл дамушы нарықтардың валюталарына қысым жасайды. Сонымен қатар, Ресей рублінің әлсіреуі де теңгеге қосымша әсер етуде.
Ішкі нарықта шетел валютасына сұраныс жоғарылап, ұсыныс шектелген. Ұлттық Банктің мәліметінше, қарашадағы сауда-саттық көлемі өткен жылмен салыстырғанда 1,5 есеге өскен. Бұл жағдай айырбас бағамының тұрақсыздануына ықпал етті.
Ұлттық Банк теңгенің артық құбылмалылығын төмендету үшін қажетті шараларды қабылдауға дайын екенін мәлімдеді. Олар валюта нарығына тұрақты мониторинг жүргізіп, қажет болған жағдайда интервенциялар жасайтынын жеткізді. Банк айырбас бағамының белгілі бір деңгейіне бағытталмайтынын, оның іргелі факторлар негізінде қалыптасатынын атап өтті.
Мәжіліс депутаты Елнұр Бейсембаев Ұлттық банктің валюта саясатына қатысты ұстанымын қатаң сынға алған.
47 рет оқылды
_80_80.jpg)
