Тарихи-мәдени бірлестіктерді биліктің жалпыұлттық деңгейдегі әріптестері қатарына көтеретін кез келді. Бұл туралы «Қоғам және мемлекет: «Birgemiz» - 30 жылдық серіктестік пен даму» атты IX Азаматтық форумның жалпы отырысында ҚР Мемлекеттік хатшысы Қырымбек Көшербаев айтты, деп хабарлайды ҚазАқпарат.
«Бүгінгі таңда елімізде 500-ге жуық ұлттық этно-мәдени қорлар мен тарихи-мәдени бірлестіктер жұмыс істейді. Бұл бірлестіктер тарихшылар мен журналистердің, жазушылар мен өлкетанушылардың басын біріктіріп, ұлттық тарихымыз бен мәдениетімізді насихаттап, қазақтың даңқты ұл-қыздарының еңбектері мен ерліктерін жас ұрпақтың жадына сіңіруге аянбай қызмет етіп келеді. Әлбетте, бұл - өте қажет әрі маңызды шаруа. Біздің ойымызша, ендігі жерде осы бірлесіктер мен қорлардың қызметін жаңа сатыға көтеріп, оларды республикалық және жергілікті биліктің жалпыұлттық деңгейдегі әріптестері қатарына көтеретін кез келді», - деді Қырымбек Көшербаев.
Мемлекеттік хатшы алдағы уақытта бұл қорлар мен бірлестіктердің еліміздің айтулы даталар мен күнтізбесін және гуманитарлық күн тәртібін қалыптастыруға атсалысуы - бәріміз үшін аса маңызды болатынын баса айтты.
«Біз жергілікті жерлердегі рушылдық пен басқа да ұсақ бөлінушілердің жолын кесіп, отандастарымыздың бойында ұлттық, мемлекеттік сананың қалыптасуына мүмкіндік береміз»,- деді ол.
871 рет оқылды
_140_110.jpeg)
