Сот сараптамасы органдарының материалдық-техникалық базасы 70 пайызға жаңартылды. Бұл туралы ҚР Әділет министрі Марат Бекетаев айтты, деп хабарлайды ҚазАқпарат.
«Сот сараптамасы органдарының материалдық-техникалық базасы 70 пайызға жаңартылды. Жаңа заманауи функционалдық зертханалық аспаптар мен жабдықтар сатып алынды. Тозу нормаларына сәйкес компьютерлік және офистік техника жаңартылуда», - деді министр Орталық коммуникациялар қызметіндегі баспасөз мәслихатында.
Оның атап өтуінше, Нұр-Сұлтан қаласында Сот сараптамалары институтының үлгілік ғимаратының құрылысы жүргізілуде.
«2021-2025 жылдары республиканың тағы 6 өңірінде ғимараттар салу жоспарлануда», - деді Марат Бекетаев.
Сонымен қатар ол «Е-Saraptama» ақпараттық жүйесі әзірленгенін атап өтті.
«Оны «Төрелік», «Е-қылмыстық іс» және «Е-лицензиялау» ақпараттық жүйелерімен шоғырландыру бойынша жұмыс жүргізілді. Биыл өнеркәсіптік пайдалануға қосу және оны тарату жоспарлануда», - деді ол.
789 рет оқылды
_80_80.jpg)
