Шығыс Қазақстан облысының полиция қызметкерлері 70 порнография сайтты анықтады, деп хабарлайды "Ұлт ақпарат".
ШҚО Полиция департаменті баспасөз қызметінің мәліметіне сүйенсек, тәртіп сақшылары 9-15 тамыз аралығында «Anti-fraud» жедел алдын алу шарасын жүргізді. Мұндағы мақсат – ақпараттық технологияны қолдану арқылы жасалатын алаяқтықтың алдын алу және жолын кесу.
«Жеті күн ішінде тәртіп сақшылары 12 интернет алаяқтықты әшкереледі. Сондай-ақ бұрын жасалған 33 қылмыс ашылды. Ғаламтор желісіне мониторинг жүргізу нәтижесінде порнография бейнероликтері бар 70 сайт анықталған», - деп хабарлады ведомство өкілдері.
Осы ретте, департамент мамандары азаматтарды ғаламторды пайдаланған кезде барынша сақ болуға шақырады. Ақшаңызды, банк картаңыздың деректерін және ұялы операторлардан түсетін құпиясөздерді бейтаныс адамдарға жібермеңіз.
868 рет оқылды
