Шығыс Қазақстан облысы Катонқарағай ауданында Абай атындағы саябақ салынады, деп хабарлайды ҚазАқпарат.
Биыл ұлы ақынның 175 жылдығы аясында Катонқарағай ауданында бірқатар шаралар қолға алынбақ. Соның ішіндегі ең ауқымдысы – Абай атындағы саябақ құрылысы болып отыр.
«Қазақтың бас ақынын ұлықтап, өскелең ұрпаққа насихаттау мақсатында Үлкен Нарын ауылында саябақ салынады. Бұл мақсатта 100 млн теңге қаражат қарастырылған» - дейді Катонқарағай ауданы әкімінің орынбасары Досымбек Тумашинов.
Естеріңізге сала кетсек, осыған дейін елімізде Абайдың 175 жылдық мерейтойына қанша қаржы жұмсалатыны хабарланған болатын.
1809 рет оқылды
