"Бүгін Өскеменде ҚР Конституциясы күніне орай өткізілген салтанатты іс-шарада Риодағы Олимпиада ойындарының қатысушыларына құрмет көрсетілді. Өңір әкімі Даниал Ахметов Ольга Рыпаковаға жерлестерінің атынан Toyota Land Cruiser Prado автокөлігін сыйлады және 50 мың АҚШ долларының чегін табыс етті. Ауыр атлет Денис Улановқа екі бөлмелі пәтер кілті берілді", - деп хабарлайды Ұлт.кз тілшісі ҚазАқпарат агенттігіне сілтеме жасап.
Шығыс Қазақстан облысынан шыққан басқа да Олимпиада қатысушылары - диск лақтырушы Евгений Лабутов, марафондық қашықтықтағы жеңіл атлет Ирина Смольникова, 400 метрге жүгіру бойынша жеңіл атлет Элина Михина және ескекші Екатерина Смирнова облыс әкімінің бір жылдық стипендиясы сертификаттарын алды.
3140 рет оқылды
