Фото: ТЖМ
3 наурызда Семей қаласындағы Шугаев көшесінде орналасқан ойын-сауық орталығында өрт болды. Медициналық көмекке 6 адам жүгінген, оның ішінде 3 ересек және 3 бала бар. Бұл туралы Абай облыстық Денсаулық сақтау басқармасы хабарлады.
Бір науқас бүйрек орталығына жеткізіліп, иіс газынан улану диагнозымен ауруханаға жатқызылды. Оған қажетті медициналық көмек толық көлемде көрсетілуде.
Сондай-ақ екі бала өз көлігімен Абай облыстық балалар ауруханасына жеткізілді. Тексеру нәтижесінде олардың жағдайы қанағаттанарлық деп бағаланып, үйлеріне жіберілді.
Қазіргі уақытта жаңа өтініштер тіркелген жоқ. Медициналық ұйымдар штаттық режимде жұмыс істеуде.
51 рет оқылды
