Елена Рыбакинаға мемлекет тарапынан Уимблдондағы жеңісі үшін сыйақы қарастырылмаған, ал Рыбакинаның өзі Қазақстан теннис федерациясынан берілетін сыйлықақыдан бас тартқан, - деп хабарлайды Tengrinews.kz.
Спорт және дене шынықтыру істері комитеті Елена Рыбакинаның Уимблдон-2022 финалындағы жеңісі үшін мемлекеттен неге төлем алмайтынын түсіндірді.
"Халықаралық жарыстардың чемпиондарына, жүлдегерлеріне, сондай-ақ жаттықтырушыларға ақшалай көтермелеу Үкіметтің 2007 жылғы 28 наурыздағы № 152 қаулысының негізінде жүзеге асырылады. Уимблдон турнирі коммерциялық болғандықтан, республикалық бюджеттен ақшалай төлемдер қарастырылмаған", - деп түсіндірді комитет өкілдері.
1196 рет оқылды
