Фото ©REUTERS
Қазақстанның бірінші ракеткасы Елена Рыбакина Алматыға сапарын кейінге қалдырғанын мәлімдеді, - деп хабарлайды Tengrinews.kz тілшісі Vesti.kz сайтына сілтеме жасап.
Теннисші Уимблдондағы жеңісінен кейін Қазақстанға оралған болатын. Бір күн бұрын Рыбакина Нұр-Сұлтанда баспасөз мәслихатын өткізіп, жанкүйерлерімен кездесті. Бірақ Алматыда жоспарланған шаралар өтпейтін болды.
"Құрметті алматылықтар! Бүгін мен Уимблдондағы жеңісіміздің қуанышымен бөлісуге ұшып баруды жоспарлаған едім. Өкінішке қарай, соңғы күндердегі шамадан тыс физикалық шаршау мен эмоционалдық күйзеліс менің жағдайыма әсер етті, үзіліс жасауыма тура келеді. Бұл тамаша қалаға келесі жолы міндетті түрде келемін. Түсініп, қолдау білдіргендеріңіз үшін рақмет!" - деп келтірді Рыбакиннің сөзін Қазақстанның теннис федерациясы.
1687 рет оқылды
