Өзен арнасына кәріз суын ағызған алматылыққа айыппұл салынды, деп хабарлайды ҚазАқпарат.
Құқық бұзушы Жарбұлақ (Казачка) өзеніне сарқын суды заңсыз ағызуды анықтау үшін өткізілген рейд кезінде ұсталды.
«Жергілікті тұрғын А. есімді тұрғын сырттағы дәретхананың кәріз суын осы өзенге ағызды. Бұл әрекеті үшін ол ҚР ӘҚбК-нің 505-бабы бойынша әкімшілік жауапкершілікке тартылды», - деді Алматы қалалық ПД Жергілікті полиция қызметі басқармасының бастығы Манап Саттаров.
Оның айтуынша, рейдтің мақсаты - Жарбұлақ өзенінің ластану көздерін анықтау және құқық бұзушылықтар анықталған кезде, оларды жою болып табылады.
Айта кетейік, бұл іс-шара Алматы қаласы Экология департаменті, Медеу аудандық экологиялық полициясы, Медеу ауданы әкімінің аппараты, «Қазгидромет» РМК, Алматы қаласы Санитарлық-эпидемиологиялық бақылау департаменті, Балқаш-Алакөл бассейндік су қорын реттеу мен қорғау инспекциясы және Алматыдағы азаматтық қоғам өкілдері бірлесіп өткізді.
887 рет оқылды
