Оралда бұрынғы әкімнің орынбасары Владимир Дремасовтың ұлы үш жыл бойы көлік үшін салық төлемеген, - деп хабарлайды "Уральская неделя".
Басылымның мәліметінше, Орал қалалық №2 сотының азаматтық істер жөніндегі судьясы Әсел Ысқақова 11 қазанда бұрынғы әкімнің орынбасары Владимир Дремасовтың ұлы Игорь Дремасовтан 600 мың теңге өндіру үкімін шығарды. Шенеуніктің ұлы үш жыл бойы көлігі үшін салық төлемеген.
Сотта Игорь Дремасовтың атына Mercedes-Benz S500 маркалы автомобильдің тіркелгені анықталды. Қозғалтқыш көлемі - 4,5. Басылымның мәліметінше, жалпы қарыз құны 599 мың теңге, оның шінде 93 мың теңге - өсімақы.
Сонымен қатар, кіріс салығын төлемегені үшін сот шешімі бойынша оларға тиесілі жер телімі сатылымға шығарылған. Жауап беруші сот отырысына келмеді. Мемлекеттік кірістер басқармасының мәліметі бойынша, Дремасов жеке кәсіпкерлікпен немесе адвокат және нотариустық қызметпен айналыспайды.
1908 рет оқылды
_140_110.webp)
