Фото:primeminister.kz
Премьер-Министр Олжас Бектенов Абай облысына жұмыс сапары аясында «Эйкос» резеңке техникалық бұйымдар шығару және қайта өңдеу кәсіпорнында болып, онда қалдықтарды қайта өңдеу жүйесін дамыту барысымен танысты, -деп хабарлайды "Ұлт Ақпарат" ҚР Премьер-министрінің ресми ақпарат ресурсына сілтеме жасап.
Компания өткізілген өнім көлемі бойынша елімізде жетекші орынға ие. Сонымен қатар кәсіпорын Қазақстанның үздік 50 ірі жеке салық төлеушілерінің қатарына кіреді. 2023 жылы шамамен 1,5 млн шина сатылып, бюджетке 9,5 млрд теңгеден астам қаржы төленді.
Үкімет басшысына қолданыстағы кәсіпорын базасында дайын өнім шығаратын автокөліктерді қолдану кезінде пайда болатын қалдықтарды қайта өңдеу кешенін салу жоспары туралы баяндалды. Қайта өңдеу нәтижесінде қауіпсіз жабындар, термопластика, сым және т. б. алуға болады. Жобалық өнімділік тәулігіне 50 тоннаға: оның ішінде тәулігіне 10 тонна шинаны термиялық өңдеуге және 40 тонна механикалық өңдеуге жетеді. Термиялық өңдеу нәтижесінде дайын өнім басқа өндірістік процестер үшін шикізат бола алатын отын, техникалық көміртегі және жоғары легирленген болаттан тұрады. Механикалық жағдайда – автошиналар, жүгіру жолдары мен ойын алаңдарына арналған жабындар жасауға жарамды 4 фракциядан тұратын үгінділер шығарылады. Жобаның жалпы құны – 2,5 млрд теңге. Іске асыру нәтижесінде 150 жаңа тұрақты жұмыс орны ашылады.