Нұр-Сұлтан қаласының полицейлері есірткі дилерін ұстады, деп хабарлайды "Ұлт ақпарат" Нұр-Сұлтан қаласы полиция департаментінің баспасөз қызметіне сілтеме жасап.
«27-29 сәуір күндері елорда аумағында «Құқықтық тәртіп» алдын алу шарасы өткізілді. Оның мақсаты – қоғамдық тәртіптің сақталуын қадағалау, көшелер мен басқа қоғамдық орындарда қылмыстың алдын алу және оған жол бермеу. Осылайша, жедел іс-шараларды өткізу кезінде полицейлер елорда аумағында есірткі жеткізу және сату арнасын жойды. Күндіз дәмхананың жанынан есірткі дилері – 53 жастағы әйел ұсталды. Тексеру кезінде одан сату үшін дайындап қойған героин салынған 7 полиэтилен түйіншек анықталды. Ол есірткіні іш киіміне жасырып қойған. Сондай-ақ әйелдің тұрғылықты жерін тексеру кезінде онда салмағы 2,71 грамм героин анықталған. Алынған есірткінің жалпы салмағы 20,01 грамды құрады. Жалпы алғанда, тәртіп сақшылары заңсыз айналымнан героиннің 100-ге жуық біржолғы дозасын шығарды», - деп баяндады полицияда.
Күдікке ілінген әйел уақытша оқшаулау абақтысына қамалды, ҚР Қылмыстық кодексінің 296-бабының 4-бөлімі (Аса ірі көлемдегі есірткілік заттарды заңсыз сақтау) бойынша тергеу амалдары жүргізілуде.
732 рет оқылды
