30 жел, 2020 сағат 13:12

«Nur Otan» әрбір отбасыға жаңа баспананың қолжетімді болуын қолдайды

Қалалық маслихат депутаттығына үміткер Дария Қожамжарова М.Әуезов атындағы Оңтүстік Қазақстан мемлекеттік университеті колледжінің ұжымымен кездесті.

Кездесуде Дария Пернешқызы алдағы 5 жылдықта «Nur Otan» партия ұсынып отырған өзгерістерге тоқталды.

Жиында ұжымның басым бөлігін тұрғын үй мәселесі мен жастарға жасалынатын мүмкіндіктер жайлы бағыттар қызықтырды. Бұл мәселелер партияның 5 жылдық бағдарламасында толық қамтылғанын мәлім еткен Дария Пернешқызы тұрғын үй мен жастарға жасалынатын мүмкіндіктер жайлы кеңінен ақпарат берді.

Айта кетейік, «Nur Otan» партиясының бастамасымен тұрғын үй құрылысының қарқыны артады. 2021 жылы Шымкент сити шағын ауданында 60 мың тұрғынға заманауи көпқабатты үйлер мен ойын-сауық орталықтары салынады. 5 жылда 3 млн ш.м. баспана немесе 47 мың пәтер салынады деп жоспарланған. Осылайша, 3 мыңға жуық көп балалы отбасы мен әлеуметтік әлсіз топтағы 532 азамат баспанамен қамтылады. 5 жылда 250 көпқабатты тұрғын үй жөндеуден өтеді.

Біз, Сіздермен бірлесе отырып, көздеген мақсатымыз бен арманымызға жете аламыз. Партиямызға үміт артып, сенім білдірсеңіздер - әрдайым нәтижелі іспен дәлелдейміз, - деді үміткер.

Дария Қожамжарова колледж ұжымын «Nur Otan» партиясының «Өзгерістер жолы: әр азаматқа лайықты өмір!» атты сайлауалды бағдарламасын қолдауға, алға қойылған міндеттерді іске асыруға белсене атсалысуға шақырды.

Жиынға қатысушылар «Nur Otan» партиясы бағдарламасымен танысқанын және 10 қаңтар күні дұрыс тандау жасайтындарын жеткізді. Себебі партиямен бірлесе отырып, әрбір Қазақстан азаматы бақуатты өмір сүруі, өзін-өзі дамытуы үшін барлық мүмкіндіктер жасалған берекелі қоғам құрамыз.

Қиындықты еңсеріп, жеңіске бірге жетеміз!

«Nur Otan» - нақты істер партиясы!