15 жел, 2016 сағат 12:41

Назарбаев: Жақтастарым бірдеңені дұрыс жасай алмаған болса, мұнда олардың кінәсі жоқ

Қазақстан Перзиденті халық пен жақтастарына Тәуелсіздіктің 25 жылында атқарылған істер үшін алғысын білдірді, - деп хабарлайды "Ұлт ақпарат".

"Біріншіден, халықты біріктірмей, оны ертпей, мұндай жетістіктерге жете алмайсың. Мен осындай 25 жылдықты, осындай мерекені жасаған халыққа ризамын. Екіншіден, осынша жылдар бірге істеген, менімен бірге мемлекеттік қызметте, параментте депутат болып, үкіметте бірге іс атқарған жақтастарыма алғысымды білдіремін. Басқа жүйеден келіп, толықтай істі түсіне алмағандар көп болды. Бірақ, олар бірдеңені дұрыс жасай алмаған болса, мұнда олардың кінәсі жоқ. Біз бәріміз қайда барарымызды, қалай аяқ алып, қай бағытпен жүрерімізді білмедік. Бірге жұмыс атқарғандардың барлығына алғыс білдіремін. Табыс пен мықты денсаулық тілеймін", - деді Назарбаев Тәуелсіздіктің 25 жылдығына арналған мерекелік жиында.

Шара барысында Елбасы баланың дүниеге келуіне байланысты берілетін жәрдемақы мен зейнетақыны көтеруді, билікті қайта үлестіруді тапсырды. Сонымен бірге, Геннадий Зенченконың екі хаты туралы айтып берді.