Нұрсұлтан Назарбаев Алматыдағы Фурманов көшесінің атауы өзгертілуіне қатысты пікір білдірді, - деп хабарлайды "Ұлт ақпарат" Ақордаға сілтеме жасап.
Мемлекет басшысының жыл қорытындысы бойынша берген Facebook әлеуметтік желісінде жарияланды.
"Назарбаевқа тастан жасалған ескерткіштің керегі жоқтығы жайлы біреу маған хат жазды. Мен онымен толықтай келісемін. Мұның барлығы әбігерлік", - деді Президент.
"Мен мұндайға үнемі қарсы болатынмын. Тек университетке келістім. Оған барлығы қолдау көрсетуі үшін - үкімет те, ел де. Ол үлгі бола аларлық алда келе жатқан оқу орны. Ал қалғанның барлығы - жергілікті биліктегілердің шешімі. Әрине, мен бұйрық беріп, осыған тыйым сала аламын. Қазіргі уақытта менің барлық қазақстандыққа айтарым: мұны жасаудың қажеті жоқ! Керек емес! Тарихта өз істерімен есте қалу керек. Ал ескерткіштермен не болатынын барлығымыз да білеміз", - деді Мемлекет басшысы.
"Дегенмен Алматы мен үшін туған қала. Барлығы үшін рақмет. Бірақ мұны істеудің қажеті жоқ", - деді Назарбаев.
Сұхбаттың телевизиялық нұсқасы бүгін, 25 желтоқсанда Астана уақытымен сағат 21:30-да республикалық арналардың эфирінен көрсетіледі.
1855 рет оқылды
