Фото:kk.delachieve.com
Әлемдегі ең танымал спорт түрінің көптеген даңқты ойыншылары бар, олардың ойыны бүкіл әлемнен миллиондаған футбол жанкүйерлерін қуантады. Талантты ойыншылардың көптігінен футбол әлемінің ең үздік 5 футболшысын айрықша атап көрсету қиын. Жергілікті және шетелдік басылымдар өздерінің рейтингтерін құрастырған және олардың әрқайсысы ойыншыларды жеке және командалық жетістіктерінен бастап, техникалық деңгейіне, жанкүйерлер арасындағы танымалдылығына және тағы басқа да түрлі критерийлер бойынша бағалаған. ULT.KZ тілшісі миллиондар ойынындағы жарық жұлдыздардың ТОП 5 тігін құрастырды.5. Лионель Месси
2005 жылы жас Лео Месси үлкен футбол сахнасына шықты, ол өзінің керемет талантын алғашқы ойындардан-ақ көрсетті. Алдымен Франк Райкард, кейін Пеп Гвардиоланың басшылығында аргентиналық ойыншы шеберлігін шыңдап, бірте-бірте әлемнің ең үздік футболшысына айналды.
Фото:prsport.net
Месси Роналдиньо кеткеннен кейін Барселонаның қаһарманына айналды. Лео өзінің ойынымен бүкіл әлемдегі миллиондаған жанкүйерлердің жүрегін жаулап ала бастады. Ол командада пайда болғаннан кейін Испанияда «Blaugranas» үстемдік етуге көшті. Месси командаға жүлделерді бірінен соң бірін жеңіп алуға көмектесті, сонымен бірге аргентиналықтардың жеке марапаттар жинағын толықтырды. Қазіргі уақытта оңтүстік америкалық шабуылшы 6 «алтын доптың» иегері болып табылады. Одан бөлек Леоның 6 «алтын бутсы», «Барселонамен» жеңіп алған 34-тен астам клубтық кубоктары және 50-ге жуық рекордтары бар.
4.Криштиану Роналду
Криштиану Роналду қазір Мессидің әлемдегі ең “күшті” футболшы мәртебесі үшін басты бәсекелесі. Португалиялықтың «Алтын добы» Аргентиналық Леоның марапатынан 1-ге аз болғанына қарамастан, ол өзінің Мессиден мықты екеніне сенімді.
«Менің ойымша, мен Мессиден жақсымын және әрқашан жақсы боламын», - деді Роналду.
Фото:metaratings.ru
Дегенмен, Криштианудың бұлай ойлауына әлі де негіз бар. Ол өз мансабында Мессиге қарағанда көп гол соққан (767 және 730). Португалияның ұлттық құрама деңгейіндегі жетістіктері әлдеқайда әсерлі – ол Ұлттар кубогының жеңімпазы және Еуропа чемпионы.
Жоғары орындарды футбол тарихының ең үздіктері, “оларсыз бұл ойынды елестету қиын” деген ойыншыларға беруді ұйғардық.
Фото:globallookpress.com
3. Зинедин Зидан
Роналду мен Месси - әрине қазіргі таңдағы мінсіз ойыншылар. Бірақ Зиданның мансабына мұқият қарасаңыз, оның Чемпиондар лигасының финалы болсын, әлем чемпионатының финалы болсын, әрқашан өз командасында маңызды рөлді атқарғанын көруге болады. 1998 жылғы «Алтын доп» иегері «Ювентуста» да, «Реал Мадридте» де өте табысты мансапқа ие болды.
Зизу 1998 жылғы әлем чемпионатының финалындағы ойынының арқасында әлемдегі ең үлкен танымалдыққа қол жеткізді, онда «үш түстілер» Бразилияны жеңді, ал жартылай қорғаушының өзі сол ойында дубль жасаған. Латын Америкасының ең мықты командасына 2 гол соққан Зинедин Францияға көптен күткен кубокты сыйлап, өзі ұлттық қаһарман атанды.
Содан кейін француздар 2000 жылғы Еуропа футбол чемпионатында тамаша өнер көрсетті, ал Зидан турнирдің ең үздік ойыншысы атанды.
Зидан Туринде «Ювентус» үшін бірнеше маусымды сәтті ойнады, бірақ плеймейкер УЕФА-ны жеңе алмады. “Кәрі Ханыммен” кубокты жеңе алмаған Зизу жаңа шақыруды қабылдап, Реал Мадридке көшіп, сол кездегі планетадағы ең қымбат футболшы болды. «Корольдік клубта» Зинедин көптен күткен Чемпиондар лигасының кубогын жеңіп алды. 2001/02 финалында «Реал Мадрид» Леверкузендік «Байермен» ойнап, 1:1 есебімен француз футболшысы турнир тарихындағы ең әдемі голдардың бірін соқты. Роберто Карлос сол қапталдан өтіп кеттіп Зиданға пас берді, ал Зидан керемет техника мен шеберлік көрсетті, допты сол аяғымен қақпаның жоғарғы бұрышына әдемі орналастырды. Сүйікті Зинедин Зидан 2006 жылғы әлем чемпионатының Италияға қарсы финалдық матчынан кейін мәнсабын аяқтады. Француздар сол финалда жеңіліп қалды, ал Зизудың өзі қорғаушы Марко Матерацциді баспен соққаны үшін қызыл қағаз алды.
Фото:bbc.com
2. Диего Марадона
Диего Армандо Марадона Аргентина құрамасының 1986 жылы Мексикада өткен әлем чемпионатында, Англия қақпасына салған керемет голымен жанкүйерлер жадында қалды. Бұл гол әлем чемпионаты тарихындағы ең үздік гол деп танылды. Сонымен бірге Диего Армандо әлемге «Құдайдың қолын» көрсетті. Марадона ұлттық құрама үшін ғана емес, сонымен қатар Бока Хониарс, Барселона және Наполи үшін де қайталанбас талант, үздік ойыншы болды – клуб деңгейінде ол 9 трофей жинады. Аргентиналық мансабын аяқтағаннан кейін құрметті футболшы “Алтын допты” алды және ФИФА нұсқасы бойынша ғасырдың үздік футболшысы деп танылды.
1.Пеле
Пеле – тарихтағы ең үздік футболшы, бұлай ойлауға көптеген себептер бар. Бразилиялық шабуылшы 3 рет әлем чемпионатын жеңіп алған (1958, 1962, 1970), бұл біздің тізімдегі кез келген марапатымен мақтана алатын жалғыз футболшы. Пеле, мысалы, Месси немесе Роналду сияқты эстетикалық түрде жасамаса да, гол соғуды білген, бірақ «Футбол патшасының» мансабындағы голдардың саны өте әсерлі, жанкүйерлер жадында қалатын болған. Турнирлерде (ресми және бейресми) соққан барлық голдары 1200-ден астам.
Фото: imago sportfotodienst, globallookpress.com
Пеле әрқашан клуб үшін де, ұлттық құрама үшін де негізгі соққы беретін күш болды. Ол 17 жасында футболдан әлем чемпионатында дебют жасап, финалда шведтерге қарсы ойында дубль жасаған. 1962 жылғы әлем чемпионатында Эдсон Арантис до Насименто бар болғаны 1 матч өткізгенімен (жарақаттары одан артық өнер көрсетуге мүмкіндік бермеді), 1970 жылғы әлем чемпионатында Пеле және оның серіктестері барлық қарсыластарын жеңіп шығып, сол турнирде «Алтын допты» жеңіп алған.
Пеленің Бразилия құрамасында 92 матч өткізіп, 77 гол соққан жетістігін бағаламай кету мүмкін емес. Қазіргі үздіктер рейтингінің бірде-бір ойыншысы ұлттық құрама сапында мұндай жетістікке жеткен жоқ. «Футбол патшасы» клуб деңгейінде де өте табысты болды, алдымен Сантоста, содан кейін Нью-Йорк Космоста. Жалпы, тамаша гол соғушы «Сантос» үшін ресми матчтарда 643 гол соққан, оған қоса Бразилия чемпионатында 6-рет, кубокта 5 және Либертадорес кубогында тағы 2 және құрлықаралық кубокта 2-рет жеңіске жетті. Нью-Йорк Космос командасымен Пеле бір ғана жүлдені – SAFL (кәсіби футбол лигасы) жеңіп алғар және 107 матчта 64 гол соққан.
Бекболат Мұхтар
10305 рет оқылды
