Мексикалық отбасы бірінші ұлына орта салмақта әлем чемпионы қазақстандық боксшы Геннадий Головкиннің есімін берген, - деп хабарлайды Vesti.kz.
Жас жұп Лос-Анджелесте өткен Головкин мен Ванес Мартиросянның финалдық баспасөз конференциясына келді. Осы шара аяқталған уақытта, баланың ата-анасы Головкиннің ұлдарымен суретке түсуін сұраған, чемпион қарсылық білдірмеген.
Айта кетейік, Головкин Мексикадағы бокс фанаттары арасында кеңінен танымал. GGG талай мәрте мексикалық тағамды жақсы көретінін және мексикалық стильде жұдырықтасқан үнайтынын айтқан.
Осы шарада Головкин Бүкіләлемдік бокс федерациясынан арнайы сыйлық алды. IBF белбеуін үш рет сәтті қорғағаны үшін оған чемпионның сақинасы берілді. Алайда IBF бұл кездесуді мақұлдамағандықтан, қазақстандық боксшы бұл белбеуін қорғамайды.
Головкин - Мартиросян жекпе-жек 5 мамырда Карсон қалашығындағы (Калифорния штаты, АҚШ) StubHub Center спорт кешенінде өтеді.
2212 рет оқылды
