20 нау, 2023 сағат 20:29

Мәжіліс сайлауының алдын ала нәтижелері жарияланды

Фото: Tengrinews.kz

Орталық сайлау комиссиясы 19 наурызда өткен кезектен тыс Мәжіліс сайлауының алдын ала нәтижелерін ұсынды, - деп хабарлайды "Ұлт ақпарат".

Өңірлерден жедел деректер бойынша сайлаушылар тізіміне 12 035 578 азамат енгізіліп, дауыс беруге 6 366 441 азамат қатысты.

Партиялық тізімдер бойынша алдын ала нәтиже келесідей:

- Amanat партиясы - 53,90 пайыз, (3 431 510 дауыс);

- "Ауыл" партиясы - 10,9 пайыз, (693 938 дауыс);

- "Ақ жол" партиясы - 8,41 пайыз, (535 139 дауыс);

- Қазақстан халық партиясы - 6,8 пайыз, (432 920 дауыс);

- Respulica партиясы - 8,59 пайыз, (547 154 дауыс);

- Жалпыұлттық социал-демократиялық партиясы - 5,2 пайыз, (331 058 дауыс);

- "Байтақ" жасыл партиясы - 2,3 пайыз, (146 4431 дауыс);

- "Бәріне қарсымын" - 3,9 пайыз (248 291 дауыс).

Осылайша, Мәжіліске өту үшін бес пайыздық шекті межені жеті партияның алтауы жинаған.

Бірмандаттық аумақтық сайлау округтері бойынша:

Округ №1 (Астана) - Дәулет Тұрлыханов;

Округ №2 (Астана) - Дәулет Мұқаев;

Округ №3 (Алматы) - Ермұрат Бәпи;

Округ №4 (Алматы) - Ерлан Стамбеков;

Округ №5 (Алматы) - Бақытжан Базарбек;

Округ №6 (Шымкент) - Данабек Исабеков;

Округ №7 (Шымкент) - Болатбек Нәжіметдинұлы;

Округ №8 (Абай облысы) - Нұртай Сәбильянов;

Округ №9 (Ақмола облысы) - Айна Мысырәлімова;

Округ №10 (Ақтөбе облысы) - Қазыбек Әлішев;

Округ №11 (Алматы облысы) - Ардақ Назаров;

Округ №12 (Алматы облысы) - Данияр Қасқарауов;

Округ №13 (Атырау облысы) - Әділ Жұбанов;

Округ №14 (Батыс Қазақстан облысы) - Абзал Құспан;

Округ №15 (Жамбыл облысы) - Мұқаш Искандиров;

Округ №16 (Жамбыл облысы) - Гүлдана Нұрымова;

Округ №17 (Жетісу облысы) - Руслан Қожасбаев;

Округ №18 (Қарағанды облысы) - Құдайберген Бексұлтанов;

Округ №19 (Қарағанды облысы) - Арман Қалықов;

Округ №20 (Қостанай облысы) - Еркін Әбіл;

Округ №21 (Қызылорда облысы) - Мархабат Жайымбетов;

Округ №22 (Маңғыстау облысы) - Еділ Жаңбыршин.

Округ №23 (Павлодар облысы) - Амантай Жарқынбек;

Округ №24 (Солтүстік Қазақстан облысы) - Еркебұлан Мәмбетов;

Округ №25 (Түркістан облысы) - Қайрат Балабиев;

Округ №26 (Түркістан облысы) - Ұласбек Сәдібеков;

Округ №27 (Түркістан облысы) - Темір Қырықбаев;

Округ №28 (Ұлытау облысы) - Ерболат Сатыбалдин;

Округ №29 (Шығыс Қазақстан облысы) - Ұлықбек Тұмашинов.

Айта кетейік, Қазақстанда 19 наурызда Мәжіліс және мәслихат депутаттарын сайлау өтті. Орталық сайлау комиссиясының алдын ала мәліметі бойынша, қазақстандықтардың 54,19 пайызы өз таңдауын жасаған.

Сайлаушылардың ең көбі - Қызылорда облысында (65,70 пайыз), ал ең азы - Алматыда (22,95 пайыз) дауыс берген.