ҚР Конституциялық кеңесінің төрағасы Қайрат Мәми ел астанасын ауыстыру кезінде Иманғали Тасмағамбетовпен және Төлеген Мұхамеджановпен бір пәтерде қалай тұрғанын еске алды.
ҚР Президентінің Телерадиокешені «Основание Астаны: Передислокация» атты жаңа деректі фильмнің жарыққа шығатынын жариялаған болатын, деп хабарлайды "Ұлт ақпарат". Деректі фильмнің Фейсбукте жарияланған шағын бөлігінде Қайрат Мәми елорда ауысқан алғашқы жылдар туралы естелігімен бөліседі.
«Айта кетерлігі, біздің бәріміз де ішпейтін адамдармыз. Алып бара жатқан көңіл көтерулер болмайтын. Шығармашыл екі адаммен бірге тұрып, жолым болды. Төлеген Мұхамеджанов рояльде отырып, өзі жазған туындыларын орындап отыратын. Иманғали гитарада ән айтатын. Көп жағдайда мен тыңдарман едім», - дейді Қайрат Мәми фильмнің авторына берген сұхбатында.
Сондай-ақ ҚР Президенті Әкімшілігінің басшысы Әділбек Жақсыбеков Нұрсұлтан Назарбаевтың қалайша Астананың шетінде батпақ кешкізіп қойғанын еске алды.
3177 рет оқылды
