Мәдениет және ақпарат министрлігінің қызмет бағыты мен ережелері бекітілді

Фото: senate.parlam.kz

Премьер-Министр Әлихан Смайылов Мәдениет және ақпарат министрлігінің қызмет бағыты мен ережелерін бекітуді көздейтін Үкімет қаулысына қол қойды, деп хабарлайды Kazinform агенттігі.

«Мәдениет және ақпарат министрлігі мәдениет, тарихи-мәдени мұра объектілерін қорғау және пайдалану, кинематография, мемлекеттік рәміздер, архив ісі және басқаруды құжаттамалық қамтамасыз ету, электрондық құжат айналымы және электрондық архивтер, ономастика, креативті индустриялар және шығармашылық қызмет нәтижелерін коммерцияландыру, ақпарат, мемлекет пен азаматтық қоғамның өзара іс-қимылы, діни қызмет, мемлекеттік жастар және отбасы саясаты, қоғамдық сананы жаңғырту, қайырымдылық, волонтерлік қызмет, медиация, ішкі саяси тұрақтылықты қамтамасыз ету, конфессияаралық және этносаралық келісім, ақпаратқа қол жеткізу салаларындағы басшылықты, сондай-ақ заңнамада көзделген шектерде салааралық үйлестіруді және мемлекеттік реттеуді жүзеге асыратын Қазақстан Республикасының мемлекеттік органы саналады», – делінген Үкімет басшысы қол қойған қаулыда.

Құжатта көрсетілгендей, министрліктің құрамына мына ведомстволар енді:

• Азаматтық қоғам істері комитеті;

• Ақпарат комитеті;

• Архив, құжаттама және кітап ісі комитеті;

• Дін істері комитеті;

• Жастар және отбасы істері комитеті;

• Мәдениет комитеті;

• Этносаралық қатынастарды дамыту комитеті.

Сонымен қатар қаулыға сай, Мәдениет және ақпарат министрлігінің міндеттері айқындалды:

• мәдениет, сондай-ақ халықаралық мәдени байланыстар;

• тарихи-мәдени мұра объектілерін қорғау және пайдалану;

• кинематография;

• мемлекеттік рәміздер;

• архив ісі және басқаруды құжаттамалық қамтамасыз ету;

• электрондық құжат айналымы мен электрондық архивтер, оның ішінде таратылуы шектелген қызметтік ақпарат және онымен жұмыс істеу;

• ономастика;

• креативті индустриялар және шығармашылық қызмет нәтижелерін коммерцияландыру;

• балаларды олардың денсаулығына және дамуына зиян келтіретін ақпараттан қорғау;

• бұқаралық ақпарат құралдары;

• діни қызмет;

• мемлекеттік жастар және отбасы саясаты;

• қоғамдық сананы жаңғырту;

• қайырымдылық;

• волонтерлік қызмет;

• ішкі саяси тұрақтылықты, конфессияаралық және этносаралық келісімді қамтамасыз ету;

• мемлекеттің, азаматтық қоғамның және қоғамдық кеңестердің өзара іс-қимылы.

Министрліктің және оған бағынысты ведомстволардың қарамағына мына ұйымдар кірді:

• «Қазақ әуендері» АҚ;

• «Қазақ газеттері» ЖШС;

• Қазақ ұлттық хореография академиясы;

• Қазақстан Республикасының Ұлттық музейі;

• «Қазақстан» республикалық телерадиокорпорациясы» АҚ;

• «Qazcontent» АҚ;

• «Қазмедиа орталығы» басқарушы компаниясы» ЖШС;

• «Хабар» агенттігі» АҚ;

• Шәкен Айманов атындағы «Қазақфильм» АҚ.

Үкімет қаулысы қол қойылған күннен, яғни 12 қазаннан бастап күшіне енді.

Еске салайық, 1 қыркүйекте Мемлекет басшысының Жарлығымен 5 жаңа министрлік құрылған еді.

Бөлісу:

542 рет оқылды