"Аспан асты елін" бағындырып, күллі Азияны өзіне қаратқан Димаш Құдайбергеновке арналған әзіл видеороликті аз уақыттың ішінде 200 миллионнан астам адам қарап үлгерген, - деп хабарлайды NUR.KZ.
Бұл туралы Айған Жолдасова есімді желі қолданушысы өз парақшасында хабарлады.
"Мына видео Англия, Корея, Жапонияда 200 млн қаралыммен тарап кетіпті. Димаш - сен феноменсің! Димаш əнін айтып болғанша, қытайлық фанаттары əніне мынадай видеоқалжың жасап, таратып жіберген екен. Қызығын қараңыз, Англия, Корея, Жапон елдерінде видеоның қаралымы бір сəтте 200 миллионға жетіпті!", - деп тамсанды Айған Жолдасова.
Желі қолданушылары Димаштың бұл жетістігіне қуанып, жылы сөздерін аямады.
Бүгінде қытайлық БАҚ Димашқа қатысты барлық ақпаратты жариялап, түрлі видеороликтер мен мақалаларды жарыса жазуда.
2439 рет оқылды
