Қырғызстанның Шу облысында қару-жарақ пен оқ-дәрі сақталған жасырын орын анықталды. Олардың арасынан қазақстандық мемлекеттік нөмір табылды, деп хабарлайды Sputnik Қазақстан.
Sputnik Қырғызстан ақпараты бойынша жасырын қоймадан мынадай заттар табылған:
- атыс қаруы,
- бөлшектелген Макаров тапаншасы (ПМ),
- Калашников автоматының 5,45 және 7,62 мм калибрлі бірнеше оқ-дәрісі,
- Макаров тапаншасының 9 мм калибрлі бірнеше оқ-дәрісі,
- Қазақстанның мемлекеттік автокөлік нөмірі (KNB 13),
- қолдан жарылғыш құрылғы дайындауға арналған заттар мен аспаптар.
Қазақстан Ұлттық қауіпсіздік комитетінің баспасөз қызметі мұндай сериялы қызметтік нөмір ведомство иелігінде жоқ екенін мәлімдеді.
Алдын ала мәлімет бойынша қару-жарақ пен оқ-дәрі қылмыс жасау үшін дайындалған. Қазір жасырын жерді кім ұйымдастырғаны анықталып жатыр.
1177 рет оқылды
