ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінің төрағасы Тимур Сұлтанғазиев Қазақстанда КВИ бойынша статистикада неліктен республикалық және аймақтық мәліметтер кейде сәйкес келе бермейтінін түсіндірді, деп хабарлайды "Ұлт ақпарат".
«Коронавирус инфекциясы бойынша статистика күн сайын жүргізіледі. Біздің аймақтық департаменттер мен тест жүргізетін зертханалар ақпараттық жүйелер аясында КВИ жұқтырғандардың санын тіркеп отырады. Мәліметтер минут сайын жаңаратындықтан әлбетте аймақтық деңгейде КВИ жұқтырғандардың саны бойынша жаңалық Денсаулық сақтау министрлігінің мәліметіне қарағанда жаңалау әрі жеделірек. Міне айырмашылық осындайда пайда болуы мүмкін», - деді Тимур Сұлтанғазиев ОКҚ-да өткен баспасөз мәслихатында.
726 рет оқылды
