Бүгін елорда төрінде күрес түрлерінен өтіп жатқан әлем чемпионатында Қазақстан қоржынына үшінші медаль түсті, деп хабарлайды "Ұлт ақпарат".
Грек-рим күресінен ерлер арасында 60 келі салмақта ел намысын қорғап жатқан балуанымыз Мейрамбек Айнағұлов қола медаль үшін белдесуде украиналық Ленур Темировті 10:0 есебімен жеңіп, Қазақстан қоржынына екінші қола медалді салды.
Айта кетелік, Айнағұлов осыған дейін Токио Олимпиадасының жолдамасын да жеңіп алған болатын. Міне, бүгін әлем чемпионатының қола жүлдегері атанды.
Естеріңізге сала кетейік, осыған дейін Қазақстан құрамасынан 55 келі салмақта грек-рим күресінің шебері Қорлан Жақанша ел қоржына алғашқы күміс жүлдені сыйласа, сол күні Алмат Кебіспаев қола медаль жеңіп алған болатын.
2057 рет оқылды
_80_80.jpg)
