Ережесіз жекпе-жек шебері Қуат Хамитовтың соты кейінге қалды. Спортшы онлайн сот отырысына интернет арқылы қосыла алмады, деп хабарлайды "Ұлт ақпарат".
Алмалы аудандық сотының судьясы спортшының неге интернетке қосыла алмағанын сұрады.
«Судья мырза, ол техникалық себептерге байланысты қосыла алмай жатыр. 20 минут өтті, мен де әрең қосылдым. Интернет нашар сияқты. Процесті кейінге қалдырсақ бола ма?», - деп сұрады сотталушының адвокаты.
Прокурор сот процесін сотталушының қатысуынсыз өткізуге болмайтынын айтты.
Нәтижесінде сот отырысы кейінге қалдырылды.
Қуат Хамитов ҚР ҚК 272 бабының 3-бөлімі бойынша (билік өкіліне бағынбауға шақыру, жаппай құқықбұзушылыққа тарту, арандату, азаматтарға күш қолдануға шақыру) істі боп жатыр. Бас сот талқылауы Алмалы аудандық сотында қаралып жатыр.
Айта кету керек, былтыр қыркүйекте қазақстандық аралас жекпе-жек шебері Қуат «Найман» Хамитов полиция бөлімшесіне жеткізілген болатын.
Ол әлеуметтік желіде билікке қарсы күш қолдануға шақырған. Аталған дерек бойынша Қылмыстық кодекстің 272-бабы 3-бөлімімен іс қозғалды.
737 рет оқылды
