Фото: ҚТЖ баспасөз қызметі
"ҚТЖ-Жүк тасымалы" ЖШС мен TOO HILL Corporation арасындағы бәсекелестікке қарсы келісім анықталды, деп хабарлайды Бәсекелестікті қорғау және дамыту агенттігі.
Локомотивтерге мотор майын жеткізу саласындағы келісімнің сомасы 12 миллиард теңгеден (24 миллион доллардан) асқан.
"Тергеу көрсеткендей, локомотивтерге арналған мотор майларын сатып алу кезінде "ҚТЖ-ЖТ" әлеуетті жеткізушілерді сатып алуларға қатыстырмау мақсатында оларға қатысты шеттету әрекеттерін қолданған. Осылайша, "ҚТЖ-ЖТ" әрекеті бастапқы кезден HILL корпорациясының мүддесі үшін жасалған", - деп хабарлады ведомстводағылар.
Агенттік жүргізген тергеп-тексеру нәтижелеріне қатысты компания сотқа шағымданған. Алайда, 2025 жылдың 11 наурызындағы Жоғарғы сот қаулысына сәйкес, жергілікті соттардың "HILL Corporation" ЖШС мен "КТЖ-Жүк тасымалдау" ЖШС-ға қатысты агенттік тергеп-тексеруінің заңды екені туралы шешімдері өз күшіне енді.
767 рет оқылды
