Футболдағы жетістіктер үшін берілетін «Globe Soccer Awards» сыйлығының иегерлері анықталды. Салтанатты марапаттау рәсімі 27 желтоқсан күні Дубайда өтті. Бұл туралы Eurosport хабарлады.
«ХХІ ғасырдың үздік бапкері» номинациясында (2001-2020 жылдар аралығында) «Манчестер Сити»-дің тізгінін ұстаған Пеп Гвардиола жеңіске жетті. Бұл сыйлыққа үміткерлер қатарында Зинедин Зидан («Реал»), Жозе Моуринью («Тоттенхэм») және Алекс Фергюсон («Манчестер Юнайтед»-тің бұрынғы бапкері) болды.
«2020 жылдың үздік бапкері» атағы «Бавария»-мен жұмыс істейтін Ханс-Дитер Фликке берілді. Ол «Ливерпуль» бапкері Юрген Клоппты және «Аталанты»-ны жаттықтыратын Джан Пьеро Гасперинді артта қалдырды.
«ХХІ ғасырдың үздік ойыншысы» номинациясында «Ювентус» клубының 35 жастағы шабуылшысы Криштиану Роналду алды. Онымен бірге Месси, Мохамед Салах және Роналдиньолар таласқа түскен.
Роналду сондай-ақ «2020 жылдың үздік ойыншысы» атағын алуы керек еді. Себебі ол дауыс беру нәтижесі бойынша Роберт Левандовский мен Лионель Мессиді басып озған. Алайда, қазылар алқасы сыйлықты «Баварияның» шабуылшысы Р. Левандовскийге беруді шешті.
1482 рет оқылды
