ҚР Ауыл шаруашылығы вице-министрі тағайындалды, деп хабарлайды Үкімет басшысының баспасөз қызметі.
"Үкімет Қаулысымен Рүстем Құрманов ҚР Ауыл шаруашылығы вице-министрі қызметіне тағайындалды" делінген мәлімдемеде.
Рүстем Құрманов 1981 жылы Солтүстік Қазақстан облысында дүниеге келген. Ш. Уәлиханов атындағы Көкшетау мемлекеттік университетін тәмамдаған. Еңбек жолын 2003 жылы ҚР АШМ Агроөнеркәсіптік кешеніндегі мемлекеттік инспекция комитетінің Ақмола облыстық аумақтық басқармасының Экономикалық талдау бөлімінің жетекші маманы ретінде бастаған. 2012-2013 жылдары ҚР АШМ инвестициялық саясат департаментінің директоры қызметін атқарған. 2013-2015 жылдары ҚР АШМ Ветеринарлық бақылау және қадағалау комитетінің төрағасы.
2015 жылдан бастап 2016 жылға дейін ҚР Ұлттық кәсіпкерлер палатасының агроөнеркәсіптік кешенінде комитет хатшысы болып жұмыс істеген. 2017 жылдың шілде айынан бастап, ҚР Ауыл шаруашылығы вице-министрі лауазымын атқарған. 2018 жылдың маусымынан 2019 жылдың ақпаны аралығында - «ҚазАгро» холдингі басқармасының төрағасы.
1759 рет оқылды
