Қазақстанда 8 518 дәрігер коронавируске шалдыққан. Бұл туралы ҚР Денсаулық сақтау вице-министрі Ажар Ғиният айтты, деп хабарлайды "Ұлт ақпарат".
«Елімізде коронавирус инфекциясы расталған медицина қызметкерлерінің саны 8 518 адамды құрайды. Бүгінгі күні дәрігерлердің арасында өкпе қабынуымен ауырғандар туралы мәлімет жоқ», - деді вице-министр Орталық коммуникациялар қызметіндегі баспасөз мәслихаты барысында.
Сонымен қатар ол коронавируспен күресте өкпе қабынуына шалдыққан дәрігерлерге бірреттік әлеуметтік төлем берілуі мүмкін екендігін де айтты.
«Егер коронавирустық өкпе қабынуымен күрес барысында ауырып қалған медицина қызметкерлері төлемге өтінім беретін болса, онда біз оларға қолдау көрсетеміз. Аталған медициналық құжаттар жергілікті атқарушы органдар деңгейіндегі комиссияға жіберілетін болады», - деді Ажар Ғиният.
1126 рет оқылды
_140_110.webp)
_140_110.webp)
_140_110.webp)
