29 жел, 2022 сағат 10:26

Конституциялық соттың төрағасы тағайындалды

Сурет ашық дереккөзден алынды

Эльвира Азимова Конституциялық соттың төрағасы болып тағайындалды, - деп хабарлайды "Ұлт ақпарат" Ақорда сайтына сілтеме жасап.

"Эльвира Әбілхасымқызы Азимова Қазақстан Республикасы Конституциялық Сотының Төрағасы лауазымына 2023 жылғы 1 қаңтардан бастап тағайындалсын", - делінген Мемлекет басшысының Жарлығында.

Эльвира Азимова 1973 жылы дүниеге келген. Ясауи атындағы халықаралық қазақ-түрік университетін "заңгер" мамандығы бойынша тәмамдаған. Еңбек жолын 1990-1991 жылдары Шымкенттегі Дзержинский аудандық ішкі істер бөлімінің кезекші операторы болып жұмыс істеуден бастаған.

1996-2013 жылдары ҚР Әділет министрлігінің жүйесінде жетекші кеңесші, бас кеңесші және маман, орынбасар және басқарма басшысы, сонымен қатар, ҚР халықаралық қызметін нормативтік қамтамасыз ету департаментінің директоры болған.

2013 жылдан 2019 жылға дейін Қазақстанның әділет министрінің орынбасары қызметін атқарған.

Ал 2019 жылдың қыркүйегінен бері Адам құқықтары жөніндегі уәкіл болған еді.