Фото: kursiv.media
Қаржылық мониторинг агенттігі төрағасы Дмитрий Малахов гидротехникалық нысандарды салуға бөлінген қаражаттың жұмсалуын тексеруді тапсырды, деп хабарлады ведомствоның баспасөз қызметі.
Ол бөлінген ақшаның қайда кеткенін сапалы тексеріп, бағалау қажеттігін атап өтті.
"Агенттіктің аумақтық департаменттерінің басшылары мемлекеттік органдар мен шаруашылық субъектілерінің қызметіне араласпай, бөгеттер, су бұру объектілерін салу, сондай-ақ өзен арналарын тереңдету үшін ақшаны ұтымды пайдалануды зерделеуі қажет", - деп тапсырды Малахов.
Еске сала кетейік, мемлекет басшысының тапсырмасы бойынша үкімет, квазимемлекеттік компаниялар, кәсіпкерлер, қоғамдық қорлар 140 млрд теңгеден астам қаржы бөлді.
Қаржылық мониторинг органдары Алматы қаласында, Ақтөбе, Қызылорда және Ұлытау облыстарында жымқыру белгілері бойынша төрт іс қозғады. 5 адам күдікті деп танылды. Залалдың жалпы сомасы 1 млрд теңгеден асты.
Сонымен қатар алдын-алу жұмыстары зардап шеккендерге көмектесу үшін ақша жинауды жариялайтын алаяқтарға қарсы тұруға бағытталады.
Бағаның өсуіне жол бермеуге ерекше назар аудару тапсырылды. Ол үшін азық-түлік, ауыз су, дәрі-дәрмек және басқа да қажетті заттар бағасының мониторингі жалғасады.
Агенттік сонымен қатар құрылыс материалдарының бағасымен алыпсатарлық тәуекелдерін алдын алу қызметін де жандандырады.
Анықталған фактілермен күрес аналитикалық құралдарды пайдалана отырып жүргізіледі.
568 рет оқылды
_140_110.jpg)
