Мәскеуде өткен АСА 115 аралас жекпе-жек турнирінде қазақстандық спортшы, жартылай ауыр салмақтағы Евгений Егембердиев ұлыбританиялық Люк Барнатты нокаутқа түсірді. Ауыр соққыдан кейін британиялық бірден құлады, - деп хабарлайды "Ұлт ақпарат" Vesti.kz басылымына сілтеме жасап.
Жекпе-жек бірінші раунд соңында аяқталды. Қазақстандық қарсыласының сол жақ иегіне ауыр соққы жасады. Содан кейін медицина қызметкерлері октаганға шығып, Барнатқа жәрдем етті.
Енді Егембердиевтің есебінде 12 жеңіс, үш жеңіліс бар. Ал ұлыбританиялық спортшы бұған дейін 15 рет жеңген, ал соңғы бес кездесуінде жеңіліп, жалпы жеңіліс саны 10-ға жетті.
2275 рет оқылды
