ММА файтері, қазақстандық Шавкат Рахмонов UFC-дегі алғашқы жекпе-жегіне қатысты мәлімдеме жасады, - деп хабарлайды Vesti.kz.
"Менің қашан жекпе-жек өткізетінімді бәрі сұрап жатыр. Дебюттің қашан өтетіні келесі жылдың басында белгілі болады", - деп жазды Рахмонов Instagram желісіндегі парақшасында.
Айта кетсек, Рахмонов UFC-мен келісімшартқа отырған алғашқы қазақстандық атанған еді. Ол ММА-де 12 жекпе-жек өткізіп, бәрін жеңіспен аяқтаған.
Рахмонов соңғы жекпе-жегін биыл маусымда Нұр-Сұлтанда өткізген, сол кездесуде бразилиялық Тьяго Варежао Ласерданы нокаутпен жеңіп, M-1 Global чемпионы титулын қорғап қалған болатын.
945 рет оқылды
