ҚР ДСМ санитарлық-эпидемиологиялық бақылау комитетінің төрағасы Айжан Есмағамбетова коронавирус жұқтырған медицина қызметкерлері туралы айтып берді, деп хабарлайды "Ұлт ақпарат".
«Қарашадан қаңтарға дейін 2 607 медицина қызметкері ауырып қалды, оның ішінде 2 440 маманда коронавирус инфекциясы расталды, ал 167-сінде – КВИ минус. Бірақ эпидемиологиялық тексеру аясында тек 225 медқызметкердің ауруы кәсіби қызметке байланысты екені растағалды», - деді Айжан Есмағамбетова Орталық коммуникациялар қызметіндегі брифингте тілші сұрағына берген жауабында.
Оның айтуынша, қалған мамандардың ауруы кәсіби қызметпен байланысты болмаған.
«Қайтыс болғандар бойынша: қарашадан қаңтарға дейін 7 медицина қызметкері қайтыс болды, оның 5-еуінде де ауру медициналық көмек көрсетумен, яғни өзінің кәсіби қызметін жүзеге асырумен байланысты емес. Екі медицина қызметкері бойынша тексеру әлі жалғасуда», - деді А.Есмағамбетова.
909 рет оқылды
_80_80.jpg)
