Денсаулық сақтау министрлігі бір тәулікте коронавирус пен пневмониядан 78 адамның қайтыс болғанын хабарлады.
Соңғы деректерге сүйенсек, коронавирустан 65 адам, ковидтік пневмониядан 13 науқас көз жұмған. Ал, бір күн бұрын коронавирус пен пневмониядан бір тәулікте 48 адамның қайтыс болғаны хабарланған еді.
Өткен тәулікте Қазақстанда вирус жұқтырған 4 899 адам анықталған. 25 науқас пневмонияға шалдыққан.
20 шілдедегі мәлімет бойынша, коронавирус инфекциясынан 61 627 адам (60 055 + және 1572 КВИ-) емделіп жатыр. Олардың ішінде 18 836 пациент - стационарда, 42 791 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
1130 адамның жағдайы ауыр,
244 пациенттің жағдайы өте ауыр,
162 науқас жасанды тыныс алдыру аппаратына қосылған.
Сондай-ақ, коронавирустың таралуы бойынша матрица жаңартылды. "Қызыл" аймақта тұрған қалалар мен өңірлер: Нұр-Сұлтан, Алматы, Шымкент қалалары, Алматы, Ақмола, Ақтөбе, Атырау, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары.
"Сары" аймақта: Шығыс Қазақстан және Түркістан облыстары.
Соңғы деректер бойынша вакцинаның I компонентін 4 944 498 адам, II компонентін 2 875 083 адам салдырған.
1393 рет оқылды
