Иллюстрация: DALL-E нейрожелісі
Мәжіліс Қазақстан мен Ресей арасындағы көмірмен жұмыс істейтін жылу электр орталықтарын (ЖЭО) салу туралы келісімді ратификациялау жөніндегі заң жобасын қарауға қабылдады. ЖЭО-ларды Көкшетау, Семей және Өскемен қалаларында салу жоспарланған.
Депутат Еділ Жаңбыршиннің айтуынша, келісім екі елдің жаңа ЖЭО-ларды жобалау, жабдықтау, салу және іске қосу бағытындағы ынтымақтастығын қарастырады.
«Келісім жеңілдетілген қаржыландыру механизмін айқындайды. Жоба Қазақстанға Ресей мемлекеттік экспорттық несиесін беруді көздейді», — деді Жаңбыршин пленарлық отырыста.
Заң жобасы экология және табиғатты пайдалану мәселелері жөніндегі комитетке жіберілді. Комитет қорытынды дайындайтын болады. Депутаттар заң жобасын қабылдауды қолдады.
63 рет оқылды
