Фото: Ақорда
Қазақстан Президенті Бакудегі Климат саммитінде қазіргі таңда әлемде өзекті тақырыпқа айналған су ресурстарына қатысты проблемаға тоқталды. Және Ильхам Әлиевтің Каспий маңы мемлекеттерінің сарапшылар тобын құру туралы ұсынысын қолдайтынын айтты, -деп хабарлайды ULT.KZ."Биыл еліміз алапат су тасқынымен бетпе-бет келді. Келешекте осындай төтенше жағдайлар кезінде жедел әрекет етіп, одан кейінгі қайта қалпына келтіру жұмыстарын тез атқару үшін қауіп-қатерді басқарудың кешенді жүйесін енгіземіз. Су мәселесіне жаһан назарын аудару мақсатында биыл желтоқсан айында Франциямен бірлесіп One Water саммитін өткіземіз. Форумға қатысушылар су ресурстарын жаһандық деңгейде басқару мәселелерін талқылайды", -дейді Президент.
Одан бөлек мемлекет басшысы “Климаттық қаржыландыру бойынша жаңа ұжымдық мақсат” NCQG аясында табиғат өзгерісіне осал аймақтарға, әсіресе теңізге шығатын жолы жоқ дамушы елдерге айрықша мән берілуі екеніне тоқталды.
420 рет оқылды
