Бүгін Астанада аэронавигациялық қызмет көрсету саласындағы стандарттар мен ұсынылатын тәжірибелерді енгізуге жәрдемдесу бойынша халықаралық азаматтық авиация ұйымы ИКАО сарапшылық тобының 7-ші отырысы өтті, деп хабарлайды "Ұлт ақпарат".
Ресми жиынды Қазақстан Республикасы Көлік вице-министрі Талғат Ластаев құттықтау сөзімен ашты. Ол өз сөзінде әуе тасымалы бойынша әсерлі транзиттік әлеуеті бар ел үшін, серіктес елдер үшін тартымды болу, біз үшін өте маңызды екенін атап өтті. Ең қысқа әуе жолдар Қазақстанды Азия мен Еуропаны байланыстыратын буынға айналдыруға мүмкіндік береді.
"Кездесу барысында әуе қозғалысын басқару, аэронавигациялық ақпаратты басқару, метеорологиялық, радиотехникалық, іздестіру-құтқару ұшуларын қамтамасыз ету және т.б. қамтитын аэронавигациялық қызмет көрсету саласындағы айтарлықтай жедел жетілдірулерді талдау және тәжірибе алмасу өтті.
Бүгінгі таңда Қазақстан Республикасының аэронавигациялық жүйесінің ИКАО стандарттарына сәйкестік деңгейі 95 пайызды құрайды. Сондай-ақ біздің алдымызда әуе кеңістігін тиімді пайдалану, әуе қозғалысын басқару, киберқауіпсіздік және аэронавигациялық қызмет көрсету саласында жаңа технологияларды пайдалану мәселелері тұр", - деді «Қазаэронавигация» РМК бас директоры Нұржан АХМЕТОВ.
Айта кету керек, 2023 жыл ішінде Қазақстан Республикасының әуе кеңістігінде біздің мамандар 415.497 ұшуға қызмет көрсетті, бұл 2022 жылға қарағанда 5.015 ұшуға артық. Жалпы, ұшу санының өсуінің оң динамикасы байқалады, сондықтан ICAO алаңдары өзекті мәселелерді талқылау, елдер арасында тәжірибе алмасу және ең жақсы шешімдерді әзірлеу үшін маңызды.
Халықаралық азаматтық авиация ұйымы (ICAO) Біріккен Ұлттар Ұйымының мамандандырылған мекемесі болып табылады, оның міндеті азаматтық авиацияның халықаралық стандарттарын белгілеу және ұшу қауіпсіздігі мен тиімділігін арттыру саласында оның дамуын үйлестіру болып табылады. Жалпы ережелер мен қауіпсіздік мәселелерінен басқа, әуе кеңістігінің шекараларын белгілейтін, авиакомпанияларға шақыру белгілерін және аэродромдарға бірегей төрт әріптік кодтарды тағайындайтын ICAO. Дәл осы идентификаторлар аэронавигациялық және метеорологиялық ақпаратты беру үшін қолданылады.
Іс-шараға 10 елден 50-ден астам сарапшы, сондай-ақ Қазақстан Республикасы Көлік министрлігі Азаматтық авиация комитетінің, ICAO халықаралық азаматтық авиация ұйымының, IATA халықаралық әуе көлігі қауымдастығының, Eurocontrol, халықаралық әуе көлігі қауымдастығының, Қазақстанның авиациялық әкімшілігі, «Қазаэронавигация» РМК, Астана, Алматы халықаралық әуежайларының өкілдері және «Эйр Астана», Казавиаспас авиакомпаниялары қатысты.
Айта кетейік, елордада 8-12 сәуір аралығында өтетін халықаралық шараның ұйымдастырушысы «Қазаэронавигация» кәсіпорны болды.
1129 рет оқылды
_140_110.jpg)
