Қазақстан халқының өткеніне толық тарихи шолу жасап, оған объективті баға беруміз керек. Бұл туралы ҚР Мемлекеттік хатшысы Қырымбек Көшербаев айтты, деп хабарлайды ҚазАқпарат.
«Біз алдағы уақытта Мемлекет басшысы Қасым-Жомарт Тоқаевтың «Тәуелсіздік бәрінен қымбат» атты бағдарламалық бағдарламасындағы тұжырымдарға сүйене отырып, Тәуелсіздіктің мерейлі белесі аясында барлық жаһандық тарихи кезеңдермен өзара өзектестіру арқылы Қазақстан халқының өткеніне толық тарихи шолу жасап, оған объективті баға беруміз керек. Тарихи тәжірибеге иек арта отырып, өскелең ұрпақтың санасына көне сақ тайпаларының дәуірінен қазіргі заманға дейінгі барлық ғылыми деректер мен жаһандық тарихи кезеңдерді сіңірудің маңызы зор», - деді Қырымбек Көшербаев Қазақстан Тәуелсіздігінің 30 жылдығына және Алғыс айту күнінің 5 жылдығына арналған дөңгелек үстел барысында.
568 рет оқылды
