Фото: Facebook/Данияр Ашимбаев
Қазақстандық саясаттанушы Данияр Әшімбаев 2023 жылға қорытынды жасап, Қазақстан бастан өткерген негізгі оқиғалар мен жетістіктерге тоқталды, деп хабарлайды Kazinform агенттігі.
Жыл ауқымды ішкі саяси қозғалыспен, оның ішінде реформа, бастама мен көптеген сайлау науқанын жүргізумен есте қалды. Данияр Әшімбаевтың пікірінше, Қазақстан басшылығы сыртқы майданда белсенді болды.
«Негізгі міндеттер айтарлықтай түсінікті. Біріншіден, Қазақстанның жаһандық және өңірлік жанжалдарға араласып кетуіне жол бермеу. Екіншіден, елдің ішкі саяси кеңістігін, саяси тұрақтылық пен ұлтаралық келісімді сыртқы қауіп-қатерден қорғау. Үшіншіден, өтіп бара жатқан жылы төнген қауіп пен қатерді Қазақстан пайдасына шешу», — деп атап өтті саясаткер.
Данияр Әшімбаевтың пікірінше, Тоқаев командасы бұл міндеттерді дұрыс орындап, алдыңғы қатарлы әлемдік державалармен қарым-қатынасын нығайтып, өз қауіпсіздігіне кепілдік алды.
«Мәскеу, Бейжің, Вашингтон, Анкара, Тегеран, Брюссельмен қарым-қатынас тұрақты, жүйелі және динамикалық түрде дамып жатыр. Жеке қарым-қатынас пен логистика саласындағы бәсекелестікке қарамастан Орталық Азияда C5+ форматы жұмыс істейді. Күш салу арқылы ішкі алаңға сырттың қысымы минимал деңгейде азайтылды. Түрлі радикал, провакациялық құрылымдар мен жеке тұлғалардың көзі жойылды. Сыртқы шоктар салдарына экономика мен тұрғындардың бейімделе алуы да рөл атқарып, бірқатар жанжал аймағы айналып өтті. Қазақстан логистиканы жаңғыртып, бір уақытта Шығыс-Батыс және Солтүстік-Оңтүстік дәліздері бойынша жұмыс істеді. Өз көлік желілерін модернизациялап, бәсекелес бағыттарды басып озуға, көршілердің қызығушылығын өзіне аударуға тырысты. Қазақстан Ресеймен тауар айналымын бірден арттырып, батыстық санкцияларды айналып өтуге тырысқанын байқау қиын емес», — деп атап өтті Әшімбаев.
Сонымен қатар ол Франция президенті Эмманюэль Макронның жақында ғана болған Астанаға сапары туралы сөз қозғады.
«Франция президенті Макронның сапары да назарымызды аудармай қоймайды. Ол Астанаға сұраушы ретінде — жеткізілетін энергетика мен уран көлемін арттыру туралы келісімшарттар үшін келді. Қазақстан неге нақты жауап бермегені де түсінікті, себебі таңдау жеткілікті. Әрине, кез келген жобада политес пен өтеуші маневр үлесі болады, бірақ Қазақстан мен оның президенті осы бағытта негізгі стратегиялық міндеттердің бәрін шеше алды», — деп түсіндірді ол.
606 рет оқылды
