Қазақстандық боксшылар Нұрзат Сабыров (8-0, 7 КО) пен Садриддин Ахмедов (5-0, 5 КО) Канаданың Римуски қаласындағы Le Centre Financiere Sun Life кешенінде кезекті жекпе-жектерін өткізді, деп хабарлайды "Ұлт ақпарат" Sports.kz сайтына сілтеме жасап.
Сабыров екінші раундта тәжірибелі мексикалық боксшы Рокки Монтойоны екінші раундта техникалық нокаутпен жеңді. Бұл жеңіс оған BoxRec.com сайтының рейтингінде 21 позицияға (екінші орта салмақ) көтерілуге ықпал етті. Енді ол - 104-орында. Нұрзат 108-орында тұрған Жәнібек Әлімханұлын да (4-0, 1 КО) басып озды.
Сонымен қатар, BoxRec рейтингінде қарсыласын нокаутқа түсірген тағы бір қазақстандық боксшы көтерілді. 20 жастағы Садриддин Ахмедов мексикалық Хосе Франсиско Суньигуды (14-12-2, 5 КО) жеңіп, 224-орыннан 187-ге (орта салмақ) көтерілді. Дегенмен, айта кетерлігі, Садриддин әзірге бірінші орта салмақ санатында өнер көрсетуде.
4091 рет оқылды
