Фото: Александр Павский/Kazinform
Қайрат Боранбаевқа тиесілі Phystech II мұнай компаниясы толығымен мемлекет балансына өтті. Мұны ресми құжаттар растап отыр, деп хабарлайды «Ұлт ақпарат» Kazinform-ға сілтеме жасап.
1 тамызда KASE веб-сайтында жарияланған акционерлер тізіміндегі үзінді көшірмеге сәйкес, 1 шілдедегі жағдай бойынша Phystech II АҚ жалғыз акционері ретінде ҚР Қаржы министрлігінің Мемлекеттік мүлік және жекешелендіру комитеті көрсетілген.
Жарияланған жай акциялардың жалпы саны 18 500 000 дана, оның ішінде 13 749 100 жай акциялар орналастырылған.
Бұған дейін мемлекетке қайтарылған мүліктер, олардың құны және қалай пайдаланылатыны туралы хабарланған болатын.
Сот шешімімен кәсіпкерден мемлекет пайдасына төмендегі мүліктер тәркіленді:
- Алматы қ. Әл-Фараби 77/7-1 көшесіндегі жер учаскесі бар коммерциялық үй-жай. Құны 686 млн теңгеге тең;
- Халық банкі шотындағы қаражат - 1 млрд 270 млн 190 мың теңге;
- Халық банкінің түрлі шоттарына салынған 5 млн 685 мың 727 АҚШ доллары, 1 миллион 170 мың 329 АҚШ доллары 755 миллион 859 мың 601 теңге, 193 миллион 170 мың 137 теңге.
Естеріңізге салсақ, бұған дейін Қайрат Боранбаев бюджетке тағы 120 млрд теңге аударғанын жазған едік.
900 рет оқылды
