Премьер-министрдің орынбасары - қаржы министрі Ерұлан Жамаубаев несиеңіз бар ма деген сұраққа жауап берді, - деп хабарлайды Tengrinews.kz.
Мәжіліс отырысында журналистердің сауалына жауап берген Қаржы министрлігінің басшысы ипотекасы бар екенін мәлімдеді. Алайда ол банк құпиясын алға тартып, тұрғын үй несиесінің сомасын айтудан бас тартты.
"Бұл - банк құпиясы. Бірақ ипотекам бар", - деді Ерұлан Жамаубаев.
"Тіпті қаржы министрі несие ала ма" деген сұраққа: "Иә, біз де қарапайым халықпыз", - деді қаржы министрі.
753 рет оқылды
